حب چوکی و کیچ آن پاکستانی فوج ئنا دو آن اسہ خاہوت نا چار بندغ حانی بلوچ، خیرالنسا بلوچ، مجاہد بلوچ و فرید بلوچ بیگواہ کننگانو۔ پن کروک آ بندغ آتا زوراکی ئٹ بیگواہی نا برخلاف ایکس آ کیمپین ئس برجاء کننگ مرو۔
خاہوت سیاسی باسک، خوانندہ، وکیل، صحافی و بندغی حق آتا باسک آتون اوار زند ئنا کُل بشخ آتان سیالی تخوک بندغ آتیان خواست کرینے کہ کیمپین ئٹی بشخ ہلیر و توار بُڑز کیر۔
پڑو نا رد ئٹ دا کیمپین 07 جنوری 2026 نا ویگ ئنا شش بجہ غا بناء مرو و شام ئنا دوانزدہ آ ایسر مرو۔
یات مرے کہ خاہوت تجابان ئٹی برانز کرسا سی پیک کسر ئے اِرا وار بند کریسُر و بیگواہ کننگوک آ بندغ آتا آجوئی نا خواست کریسُر۔
