بلوچ ریپبلکن گارڈز نا ترجمان دوستین بلوچ سال 2025 ئٹ کننگوک جلہو تا شابیتی رپورٹ ئے شنگ کرسہ پارے کہ بی آر جی نا سرمچارک 13 جلہو پاکستانی لشکر نا دو ئنا شیف آن کارمرز مروک ریل و ٹریک آتیا کریر، دافتیان 10 جلہو جعفر ایکسپریس، بولان میل و سکھر ایکسپریس نا زی آ کننگار و 3 جلہو تیئٹ ٹریک آتے نشانہ کننگا۔ ٹریک آتے ہموتم بھس کننگا ہراتم پاکستانی لشکر نا کارندہ غاک سفر کننگ ئٹی اسُر۔ دا جلہو تیئٹ پاکستانی لشکر و ریل آتے بھاز نسخان رسینگا۔
ترجمان پارے کہ ایلو جلہوک پاکستانی لشکر، پولیس، جوڑشتی کمپنی، گیس پائپ لائن، موبائل نا ٹاور و لین ئنا ٹاور تیا کننگار۔
مُستی پارے کی دا جلہو تیئٹ 22 لشکری کارندہ خلنگار و 35 بھاز ٹپی مسر۔ 12 لاری بھس مسر ہرافتیئٹ فوج و پولیس نا لاریک، جوڑشتی کمپنی نا ایکسیویٹر، رولر و ٹریکٹرک اوار ءُ۔
ترجمان پارے کہ 12 گیس ئنا لائن بھس کننگار و 5 موبائل ٹاور و لین ئنا ٹاور ہم بھس کننگار۔
دوستین بلوچ پارے کہ بی آر جی زوراک آ لشکر و اونا کمک کار تیا جرجوئی ئٹ جلہو کرو، و بروکا وخت ئٹی دا جلہو تے ترند و گیشتر کننگو۔
