دا لانگ مارچ ٹی گدریفوکا دیک کنا تیوعہ سیاسی سفر نا گچینا دیک اسُر ہرافتے ای تیوعہ بلوچستان نا کُل آن بہادر انگا زالبول و بلوچ فرزند آ تیتون اوار گدریفیٹ ۔
دا خیال آ تا درشان ئے بلوچ نسل کشی نا برخلاف لانگ مارچ نا بھلُنی کروکا ڈاکٹر ماہرنگ بلوچ چاگڑدی میڈیا نا سائیٹ آ تینا اَسہ پوسٹ ئسیٹی کرے ۔
ڈاکٹر ماہرنگ نا گیشتر پاننگ ئس کہ ننا ایمان ءِ کہ نن الم تینا سرزمین ئٹی امن ہتون ، ہراڑے بشخ مروکو خاوت مروف ، ہراڑے لُمہ آ تا چُناک بیگواہ مروفس ، ہراڑے چُناک زوراکی ئٹ یتیم کننگ مفرور ، ہراڑے ایڑ تا ایلمک زندان آ تیٹی قید مروفس ، ہراڑے ورناک سکون تون تینا خاوت آتون زندئے گدریفور، ہراڑے بندغ آک درانڈیہہ مروفس ،ہراڑے امن مرے ، خوشحالی مرے ، سکون مرے ۔
یاتی مرے کہ اِرا تُوو اسکان اسلام آباد ئٹی برانز آ تولنگ آن پد بلوچ لانگ مارچ نا برانزیک ہنوکا دے بلوچستان کن پیش تمار ۔ ہنوکا دے ژوب ئٹی پشتون تحفظ موومنٹ نا باسک آک مارچ نا برانزی تے بخیر کریر ۔ سُہب ئنا کچلاک ئٹی پشتون تحفظ موومنٹ نا باسک آک مارچ نا برانزی تے بخیر کریر ۔
اینو لانگ مارچ نا برانزیک کوئٹہ آ سر مسُنو ہرافتا بخیر کن ہزار آتا کچ ئٹ بند بندغ آک مُچ ءُ۔
