بلوچ ریپبلکن گارڈز نا ترجمان دوستین بلوچ میڈیا ٹی شنگ کروک بیان ئسیٹی پارے کہ سرمچارک 30 دسمبر نا شام صحبت پور نا علاقہ بس سرکٹ نا ہند آ بلوچستان و سندھ ئنا سیم آ رینجرز نا کیمپ ئے چُنکا و بھلا سلاہ تیٹ نشانہ کریر، دا جلہو ئٹی پاکستانی رینجرز ئے جانی و مالی نسخان ہرفوئی تمانے۔
ہندُن اِستو سرمچارک نصیر آباد نا علاقہ بختیار آباد و نوتال نا نیام ہائی وے کسر آ پاکستانی فوج ئنا چیک پوسٹ آ بھلا سلاہ تیئٹ جلہو کریر ہراٹی فوج ئے جانی و مالی نسخان ہرفوئی تمانے۔
ترجمان دوستین بلوچ پارے بی آر جی دا جلہو تا زمہ واری تے ہرفک و بلوچستان نا آجوئی اسکان دُن انگا جلہوک برجاء مرور۔
