تربت شاپک نا ہندی صدام ولد محراب نا خاہوت تربت پریس کلب ئٹی پریس کانفرنس کرسا پارے کہ صدام ولد محراب ئے 22 جولائی 2025 آ بیگواہ کننگانے۔
خاہوت نا رد ئٹ صدام گیرج ئٹی مستری و خواری کش ءُ مزور ئسے، ہرانا ہچو غیرقانودی کاریم ئسیتون سیالی اف۔
او پارے کہ صدام نا زوراکی ئٹ بیگواہی آن پد او کیہی وار ڈپٹی کمشنر کیچ و کالخواہ تیتون ہیت کریر، واہم داسکان اونا آجوئی نا حوالہ ئٹ ہچو دیمروی ئس متنے۔
خاہوت سخت پریشانی نا درشان کرسا پارے کہ صدام ولد محراب ئے زوت آجو کرسا اونا خاہوت نا حوالہ کننگے و دا معاملہ نا صاف پٹ ئہ پول کننگ مرے۔
