بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 27 دسمبر نا دے ئنا یانزدہ بجہ غا سوراب نا علاقہ بتگو کراس نا ہند آ آر سی ڈی کسر آ ناکہ بندی و اسنیپ چیکنگ کریر۔ ہندا وخت سیندک استحصالی منصوبہ آن لُٹنگ مروکا خام مال دروکا لاری و اوفتا سیکیورٹی نا چار لاریک ہموڑے بسُر ہرافتے اسہ جاگہ غا سرمچارک نشانہ کریر ہراٹی فوج ئنا اسہ لاری ئس جلہو نا زَد ئٹی بس و اوٹی سوار انگا پنچ کارندہ خلنگار و کیہیک ٹپی مسر و قافلہ ٹی اوار پاکستانی فوج و استحصالی منصوبہ تون تفوک ایلو لاری تے ہم سخت نسخان مس۔
ترجمان ایسر ئٹ پارے کہ بی ایل ایف سوراب ئٹی ناکہ بندی، پاکستانی فوج آ جلہو ئٹی پنچ کارندہ تے خلنگ و لُٹ ءُ پل کروک سیندک منصوبہ نا لاری تے سخت نسخان تننگ نا ذمہ واری ئے ہرفک۔
