بلوچ ریپبلکن گارڈز( بی آر جی ) نا ترجمان دوستین بلوچ میڈیا ٹی شنگ کروک بیان ئسیٹی پارے کہ درو ننکان بلوچ ریپبلکن گارڈز نا سرمچارک نصیر آباد نا ہند نوتال و بختیار آباد نا نیام ئٹی گشت آ اسُر کہ ہائی وے آ کوزہ کروک پاکستانی لشکر نا کاروان تون مونی مَسُر ، سرمچار و کوزہ کروک پاکستانی لشکر نا نیام ئٹ اسہ گھنٹہ ئسے اسکان سُمکاری برجاء مس ۔
او پارے کہ سُمکاری آن کوزہ کروک پاکستانی لشکر نا ارا کارندہ ہمو جہہ آ خلنگار و کیہی کارندہ غاک ٹپی مسر و سرمچارک سر سوبی ئٹ تینا محفوظ آ جہہ تیا سر مَسُر ۔
ترجمان پارے کہ بی آر جی دا جلہو نا ذمہ واری ئے ہرفک او دا وڑ ئنا جلہوک بلوچستان نا آجوئی اسکان برجاء مرور ۔
