بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ خاران شہر ئٹی ریاستی حمایت یافتہ ڈیتھ اسکواڈ نا کارندہ آتا سُمکاری آن 17 جولائی 2025 آ سرمچار مجاہد بلوچ شہید مس۔ بی ایل ایف شہید مجاہد بلوچ عرف وشین ئے اونا راجی خذمت آتیا اودے دروت ندر کیک۔
ترجمان پارے کہ مجاہد بلوچ 2018 ٹی بی ایل ایف نا پلیٹ فارم آن شاری گوریلہ سینا حیثیت ئٹ جہد ئنا بناء ئے کرے۔ او خاران ئٹی بی ایل ایف نا پوسکن انگا صف بندی نا رد ئٹ تنظیم ئے سوگو کننگ کن بھلو کڑد ئس ادا کرے۔
ترجمان پارے کہ شہید مجاہد محنت و خواری ئٹ شاری گوریلہ اصول آتا رد ئٹ تنظیمی کاریم تے جوانو وڑ ئسیٹ ادا کرے و شاری سرمچار تیکن جنگی حکمت عملی و حربہ تا بھلو میراث ئس الانے۔ اونا زند شاری سنگت آتیکن قابل فخر مثال ئسے۔ شہید مجاہد بلوچ ہر حالیت ئٹی تنظیمی ذمہ واری تیکن تیار اسک۔
ترجمان پارے کہ شہید مجاہد خاران، واشک، نوشکی و چاغی ٹی تنظیمی کاریم تیٹی بھلو کڑدار ئس ادا کرینے۔ تنظیم راجی تحریک آجوئی ٹی مجاہد سیاہ پاد عرف وشین بلوچ نا خذمت آتیا اودے دروت ندر کرسا دا قول ئے کیک کہ راجی آجوئی نا شہید آتا مشن نا پورو مننگ اسکان جدوجہد برجاء مرو۔
