بلوچستان ئٹی اینو سکیورٹی خُلیس نا سوب آن ریل سروس تیبہ بند مسنے، ریلوے کالخواہ نا رِد ئٹ دا فیصلہ سیکورٹی نا سوب آن کننگانے ۔ اینو پشاور آن جعفر ایکسپریس ، کراچی آن بولان میل و پشاور آن کوئٹہ غا بروک جعفر ایکسپریس بند کننگا ۔ ہندا وڑ چمن ٹرین اینو بند مسنے ۔
سْیاسی حلقہ تا پاننگ ءِ کہ سرکار نا نیمہ غان دا گام بلوچ لبریشن آرمی نا مسکوئی مہبر جنرل اسلم بلوچ و اونا ہمراہ تا برسی نا دے آ کننگانے، ہرا اینو مننگ ءِ۔
یات مرے کہ سال 2022 ئٹی بلوچستان لبریشن آرمی دا دے آ تیبہ بلوچستان ئٹی بھلو کچ ئسے ئٹ جلہو کریسس ہرافتیٹی پاکستانی لشکر نا افسر تیتون اوار کیہی کارندہ غاک خلنگاسُر۔
