بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 21 دسمبر نا نیمروچ آ بولان نا علاقہ سراج آباد ئٹی کوئٹہ سبی بھلا کسر آ ناکہ بندی کرسا لاری تے پٹ و پول کریر ہرا اسہ گھنٹہ ئسے اسکان برجاء مس۔ دا وخت خُڑک ئنا کیمپ ئنا نیمہ غان سرمچار تے ہُننگ و نشانہ کننگ کن کواڈ کاپٹر کارمرز کننگا، ہرادے مش تیئٹ سنگر ہلوکا سرمچارک نشانہ کریر۔ دشمن نا زمینی فوج ہم سرمچار تا ناکہ بندی نا نیمہ غا پیش قدمی کننگ نا کوشست کرے ہراڑا مُست سنگر ہلوکا سرمچار تا ٹولی جلہو کرے، ہرانا سوب دشمن پدی ہننگ کن مجبور مس۔
ترجمان پارے کہ ناکہ بندی نا وخت ہچو ادارہ سینا کارندہ یا مخبر ئسینا چائنداری متو و سرمچارک لس بلوچ اُلس ئتون شرف ئٹ پیش بسُر۔
ترجمان پارے کہ ہندا دے 21 دسمبر نا نیمروچ آ سرمچارک مند ئنا علاقہ آزیان و دوکوپ نا نیام برت ئٹی جوڑ مروک پاکستانی لشکر نا چوکی ئے جتا انگا بھلا سلاہ تیٹ نشانہ کریر۔ جلہو نیم گھنٹہ ئس برجاء مس۔ جلہو نا وخت لشکر سرمچار تا پوزیشن تے چاننگ و اوفتے نسخان تننگ کن اِرا کواڈ کاپٹر بال تس، ہرافتیان اسٹ ئے سرمچارک نشانہ کرسا بٹیر و ایلو نرنگ کن مجبور مس۔ دا کاروائی نا سوب آن چوکی آ خلنگوکا جاسوسی و نگرانی نا کیمرہ تے نسخان مس۔
ترجمان ایسر ئٹ پارے کہ بی ایل ایف دا کاروائی تا ذمہ واری تے ہرفِک۔
