حب چوکی آن پاکستانی ڈھکوک ادارہ تا دو آن زوراکی ئٹ بیگواہ کننگوک آ پروفیسر شفیق الرحمان زہری نا مسڑ و بی وائی سی نا باسک ماہ زیب بلوچ پارینے کہ اونا باوہ نا زوراکی ئٹ بیگواہی ئے شش دے مسُنے، اونا بابت ئٹ داسکان ننے ہچو حوال ئس رَسینگتنے۔
او پارے کہ کنے پنچ دے ءِ کہ ای قانودی کاروائی کننگ اُٹ و ہندا پاننگ اُٹ کہ اگہ کنا باوہ غا ہمرو ہم دوبہ ئس ارے اودے عدالت ئٹ پیش کننگ مرے۔ اینو مجبور مرسا تینا فریاد ئے کسر آ ہیسُنُٹ گُڑا پولیس ننے توننگ ءِ و برانز اَکن اِلنگ اف۔
ماہ زیب بلوچ نا پاننگ ءِ کہ برانز کننگ ہر شاری نا قانودی حق ءِ، ہر بندغ تینا فریاد ئے پریس کلب آ ہتیک۔ ای تپرہ کہ ریاست ننے انتئے توننگ ءِ۔
او پارے کہ کنا باوہ بے میار ءِ و او ہچ ئس کتنے او ہنوکا شش دے آن بے میار مننگ آن پد ہم ڈھکوک زندان ئٹی بند ءِ۔ کنا باوہ زوت آجو کننگ مرے۔
