بلوچ وومن فارم نا راہشون ڈاکٹر شلی بلوچ ماما قدیر نا بیرانی نا بارو ئٹ تینا شنگ کروک بیان ئسیٹی پارے کہ کماش آ ماما قدیر بلوچ وے ایسر مروکا جہد ئنا چیدہ ءِ کہ او تینا کماشی ءُ بیماری تان بیدس بیگواہ غا بندغ آتا آجوئی کن مدام جہد کرے ۔
او پارے کہ ماما قدیر بلوچ راج ئنا ہمو سوگو آ توار اسک، ہرانا ہِننگ بلوچ راج ئے بھلو نسخان ئس تِس ۔ ماما 2009 آن ہلیس ایسری ساہ اسکان یکو بیگواہ غا بلوچ اُلس ئکن توار بڑز کرے ، دا مُرغُن آ پانزدہ سال ئنا سفر ئٹی ماما قدیر ہر وڑ ئنا جیڑہ ءُ جنجال آتیتو مون تِس ، ولے اونا توکل سوگو مس و نزور متو، انتئے کہ ماما قدیر فکری حوالہ ئٹ سوگو ءُ بلوچ ئس اسک۔
ڈاکٹر شلی بلوچ پارے کہ ہندا پیر مرد بلوچ بیگواہ غا بندغ آتا آجوئی کن کوئٹہ غان اسلام آباد اِسکان پند آ مارچ کرے ، ہفتاد سال ئنا عمر ئٹی اسہ یادگاری لانگ مارچ ئس کرے ۔ ماما اینو ننا نیام ئٹی ساڑی اف جتا مسُنے، ولے اونا تِروک آ پنت ءُ نصیحت آک ننتون ہمراہ داری کیرہ ۔
او پارے کہ ماما تینا پیرانسی ٹی نشان تِس کہ راج دوستی انت ئسے اونا ہننگ آن پد ہر بلوچ آ فرض ءِ کہ اونا کاروان ئے مُستی دے ۔
