بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ ننا سرمچارک 18 دسمبر نا دے چار بجہ غا پاکستانی لشکر نا کاروان ئٹی اوار اسہ لاری ئسے آئی ای ڈی بمب جلہو ئٹی نشانہ کریر ہراٹی کوزہ کروک لشکر نا مُسہ کارندہ خلنگار و اِرٹ ٹپی مسر، لاری تیبہ بھُس مس۔
ترجمان پارے کہ سرمچارک 19 دسمبر آ تمپ ئنا ہند ملانٹ ئٹی ہڑدیئی گشت ئسیٹی اسُر کہ کسر آ کوزہ کروک پاکستانی فوج اسہ کواڈ کاپٹر ئسیئٹ اوفتا پد ئٹ تما۔ سرمچارک جوابی کاروائی کرسا کواڈ کاپٹر ئے نشانہ کرسا بٹیر۔
ترجمان پارے کہ اسہ پین کاروائی سیٹی 20 دسمبر آ سرمچارک ملانٹ ئٹی جوڑ مروکا پاکستانی فوج ئنا کیمپ ئے نشانہ کریر۔ سرمچارک کیمپ آ راکٹ لانچر نا کیہی گولہ خلکُر ہرا کیمپ ئنا تہٹی تمار ، ہراڑان کوزہ کروک لشکر ئے جانی و مالی نسخان ہرفوئی تمانے۔
ترجمان گہرام بلوچ بیان ئٹی پارے کہ بی ایل ایف نا سرمچارک دشت ئنا علاقہ شئے زنگی ٹی جاسوسی کن خلنگ مروک یوفون موبائل ٹاور نا مشینری تے ہُشِسا ناکارہ کریر۔
ترجمان بیان نا ایسر ئٹ پارے کہ بی ایل ایف نوشکی،تمپ و دشت ئٹی مُسہ کاروائی تیٹی مُسہ لشکری کارندہ تے خلنگ و اسہ کواڈ کاپٹر ئسے بٹنگ و اسہ یوفون ٹاور ئسے بھُس کننگ نا ذمہ واری ئے ہرفک۔
