بی ایل اے نا ترجمان جیئند بلوچ تینا شنگ کروک بیان ئسیٹی پارے کہ سرمچارک درو شال ئنا ہند ڈغاری ٹی پاکستانی لشکر نا پند آ ہنوکا کارندہ تے ہمو وخت تراک ئنا شورہ تیئٹ نشانہ کریر، ہراتم او ریل ئنا پٹری آ بمب ہُننگ کن اسہ جاگہ غا تولوک اسُر۔ تراک ئٹی لشکر نا چار کارندہ ہمو جاگہ غا کھسکر و پین اِرٹ ٹپی مسُر۔
ترجمان پارے کہ سرمچارک پین اسہ کاروائی ئسیٹی کچھی نا ہند ڈھاڈر ئٹی ویگ ئنا وخت آ کلم الدین ئٹی زوراک آ پاکستانی لشکر نا پند آ ہنوکا کارندہ تے ہمو وخت نشانہ کریر، ہراتم او تینا چوکی آن پیشتماسُر۔ سرمچارک اوفتےخودکار سلاہ و راکٹ آتیٹ نشانہ کریر، ہراٹی لشکر ئے جانی نسخان ہرفوئی تمانے۔
ترجمان جیئند بلوچ پارے کہ بی ایل اے نا سرمچارک کیچ ئنا ہند سامی کلگ ئٹی زوراک آ پاکستانی لشکر نا چوکی ئے نشانہ کریر۔ سرمچارک زوراک آ فوج ئنا سنگر آتا بھاز راکٹ نا گولہ خلکُر و خودکار سلاہ تیٹ جلہو کریر۔ جلہو ئٹی کوزہ کروک لشکر نا اِرا کارندہ خلنگا و دشمن ئے پین جانی و مالی نسخان ہرفوئی تمانے۔
جیئند بلوچ بیان نا ایسر ئٹ پارے کہ بی ایل اے دا جلہو تا ذمہ واری تے ہَرفِک۔
