بلوچستان نا ہند جھل مگسی آن پاکستانی لشکر اِرا بندغ آتے دزگیر کننگ آن پد بیگواہ کرے ۔
بیگواہ مروکا بندغ آ تا پجار اکبر ولد نواب خان و جمیل احمد ولد امام بخش نا پن ئٹ مس ۔
یاتی مرے کہ اکبرئے داکان مُست ہم پاکستانی لشکر اونا ایلم یوسف تون اوار دزگیر کننگ آن پد بیگواہ کریسس ۔ یوسف ئے سی ٹی ڈی ڈیرہ مراد جمالی ٹی اَسہ دروغ ئنا مقابلہ سیٹی خلک او وخت اکبر ئے یلا کریر ولے داسہ اَسہ وار ئس پدا دزگیر کننگا ۔
حوال آ تا رد ئٹ اکبرئے پاکستانی لشکر معذور کرسا یلا کریسس ، آجو مننگ آن پد اکبر نا نک کاریم ئے اِلاسُر اودے معذوری نا حالیت ئٹ پدا دزگیر کرینو ۔
یاتی مرے کہ تیوعہ بلوچستان ئٹی زوراکی ئٹ بیگواہی تہ برخلاف اَسہ بھلو وخت ئسیانتحریک برجا ءِ اِرا تُوو آن بلوچ یکجہتی کمیٹی نا نیمہ آن اسلام آباد ئٹی برانز برجاء اسک ، ہرادے اینو ختم کرسا کوئٹہ کن ہنار ۔ دا وخت آ پاکستانی لشکر نا نیمہ آن زوراکی ئٹ بیگواہ کننگ نا سلسلہ برجا ءِ ۔
