بلوچستان لبریشن فرنٹ نا ترجمان میجر گھرام بلوچ میڈیا ٹی شنگ کروک بیان ئسیٹی پارینے کہ 17 دسمبر نا سُوب ئنا مند ئنا علاقہ باگزو ٹی پاکستانی لشکر نا کاروان نا ہننگ نا وخت آ کسر ئے کلیئر کننگ ئٹ آختہ غا کارندہ غاتے آئی ای ڈی بمب جلہو ئسیٹی ٹک کریر، جلہو ئٹی اِرا کارندہ مرگ ئنا گواچی مسُر۔
میجر گھرام بلوچ پارینے کہ پین اسِہ کاروائی ئسیٹی سرمچارک دشت ئنا علاقہ بیری ٹی سی پیک کسر آ ساڑی آ لشکر نا چیک پوسٹ آ آرپی جی و بھلا سلاہ تیٹ جلہو کریر، سرمچارک راکٹ نا کیہی گولہ خلکُر ہرا تینا ٹک کننگوک جاگہ آ لگار، ہرانا سوب دشمن لشکر ئے جانی و مالی نسخان مس۔ دا جلہو ئٹی سرمچارک چیک پوسٹ آ خلوک کیمرہ آتے ٹک کرسا بُھس کریر۔
او بیان ئٹی پارینے کہ بلوچستان لبریشن فرنٹ مند ٹی اِرا لشکری کارندہ تا خلنگ و لشکری چیک پوسٹ آ جلہو و رکھوک کیمرہ آتے بھس کننگ نا ذمہ واری ئے ہرفِک۔
