حب آن حوالءِ کہ پاکستانی فوج و ڈکھکوک ادارہ تہ کارندہ آک راشد حسین نا ایلم و بی وائی سی نا باسک ماہ زیب نا باوہ پروفیسر شفیق زہری ئے دزگیر کننگ آن پد بیگواہ کرینو۔
حوال تہ رد ئٹ پروفیسر شفیق زہری ئے اینو نیمروچ آ اونا کاریم جاگہ سیوک سینٹر آن برمتہ کرسا بیگواہ کننگا۔
شفیق زہری کالج ئٹی پولیٹیکل سائنس ئنا پروفیسر ئسے و اودے مُست ہم 2013 ٹی زوراکی ئٹ بیگواہ کننگانے۔
شفیق زہری نا ایلم راشد حسین ہفت سال مُست 2018 ٹی متحدہ عرب امارات آن زوراکی ئٹ بیگواہ کننگ آن پد پاکستان آ ہتنگ مسس، اوکان پد اودے مونی ہتنگ متنے۔
