پنجگور آن نادرست سلاہ بند بندغ آتا دو آن برمتہ مروک سی ٹی ڈی کارندہ خلیل احمد نا جون خننگانے، جون نا خننگ آن پد اونا خاہوت ڈی پی او آفس نا مونا برانز کرینے۔
خاہوت نا پاننگ ءِ کہ خلیل احمد ولد احمد درو نادرست سلاہ بند بندغ آتا دو آن تسپ ئٹی برمتہ کننگاسس و اینو اونا جون چکول آ خننگانے۔ کالخواہ نا نیمہ غان یخین تِننگ آن پد خاہوت تینا برانز ئے ایسر کرینے۔
ایلو نیمہ غا تربت نا ہند آپسر ئٹی سلاہ بند بندغ آتا سُمکاری آن رحمدل ولد فضل خلنگانے ہرا آپسر نا ہندی ئسے۔
پاننگ مننگ ءِ کہ اودے آپسر ریسرچ فارم نا خُڑک نشانہ کرسا خلکُنو۔
خلنگ مروک بندغ نا جون المی کاروائی کن اسپتال آ دننگ آن پد خاہوت نا دو ٹی تننگانے۔
