بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 12 دسمبر جمعہ نا دے یک بجہ آن ہلیس تانکہ شام ئنا 6 بجہ اسکان بسیمہ نا علاقہ پتک ئٹی سی پیک کسر آ ناکہ بندی و اسنیپ چیکنگ کریر، چیکنگ نا وخت محکمہ کسٹمز نا اِرا کارندہ تے دزگیر کریر ہرا دا وخت تنظیم نا تفتیشی ٹیم ئنا دزگیر ٹی ءُ۔ تفتیش پورو مننگ آن پد کارندہ تا بابت ئٹ فیصلہ کننگ مرو۔
ترجمان پارے کہ 12 دسمبر جمعہ نا شام ئنا نُہہ بجہ غا سرمچارک تربت نا علاقہ آبسر آپدروک ئٹی جوڑ مروکا کوزہ گیر پاکستانی فوج ئنا چوکی آ چغلی بمب ئٹ جلہو کریر ہرا چوکی نا تہٹی تما، راڑان کوزہ کروک فوج ئے جانی و مالی نسخان ہرفوئی تمانے۔
ترجمان پارے کہ سرمچارک اسہ پین کاروائی سیٹی 13 دسمبر نا شام دو بجہ غا کوئٹہ نا علاقہ قمبرانی کسر آ کچھی بیگ تھانہ نا دروازہ آ سلوک مُسہ ایف سی نا کارندہ تے چغلی بمب ئٹ نشانہ کریر ہراڑان مُسٹ انگا کارندہ آک ٹپی مسُر۔
ترجمان گہرام بلوچ ایسر ئٹ پارے کہ بی ایل ایف کوئٹہ و تربت ئٹی کوزہ گیر فوج آ چغلی بمب جلہو بیسیمہ ٹی ناکہ بندی و کسٹم کارندہ تے دزگیر کننگ نا ذمہ واری ئے ہرفک و دا قول ئے دوارہ کینہ کہ آجو بلوچستان اسکان ننا کاروائیک برجاء مرور۔
