ریاستی تشدد نا برخلاف ننا دا تحریک پنچمیکو دور ئٹی پیہانے ہراڈے 27 جنوری آ کوئٹہ ٹی عوامی جلسہ کننگ ءُ ۔ دا ہیت آتے وائس فار بلوچ مسنگ پرسنز نا راہشون سمی دین کرے ۔
سمی پاننگ ءِ کہ نن دا وخت اسلام آباد ٹی تولوک اسلام آباد نا بلوچ آ تون تخوکا رویہ و سلوک ئے تیوعہ جہان نا مون آ تخان ہرانگا دا تحریک ئے تہی و جہانی سطح آ مُختفی رسینگانے ہرافتیٹی برطانوی پارلیمنٹ باسک آن ہلیس آئرلینڈ نا پارلیمنٹ باسک و وزیر خارجہ نا نیمہ آن بلوچ آ تون ریاستی تشدد نا بابت ئٹ تینا ہیت آتے کننگانے ۔ جہانی پنی آ Environmental activist
گرتا تونبرگ ننا برانز نا مُختفی و اواری ٹی ہیت کرسا کرینے ۔
او مُسی پارے کہ جہانی جریدہ و حوال تیٹی دھرنہ نا کوریج ہم ننا تحریک نا سُہبمندی نا بشخ ئٹی بریک ۔ ہراڈے بلوچستان نا حوال آک ریاستی میڈیا نا سطح آ خننگپسہ ہمو حوال آک جہانی سطح آ جتا جتا اِنگا زبان تیٹی رپورٹ مسُنو ۔
او مُستی پارے کہ اسلام آباد نا ہمو شہری ،وکیل آک اسٹوڈنٹ آرگنائزیشن آک ، سوشل میڈیا ایکٹوسٹ آک ،بندغی حق آ تا باسک و صحافی دوست آک ہرا ننتو دے و نن سلوک اسُر جبکل ایلو راج آک ہرافتیٹی بلوچ ، سندھی ، اردو اسپیکنگ ، پنجابی ،گلگت بلتستان ، کشمیری ، سرائیکی و ہزارہ ننا کیمپ آ بریسہ کرینو ، ننے تینا اواری نا یخین ئے تسنو ،اوفتا نا بلوچستان نا نیمہ آن اُست ئنا تہہ آن منتوار اُن۔
