بلوچستان نا زِری شار گوادر نا علاقہ جیونی آن پاکستانی لشکر کیہی بندغ آتے دزگیر کننگ آن پد بیگواہ کرینے۔
حوال تا رد ئٹ فوج لشکر کشی نا وخت صادق بازار، کلدان، گپت و ہیب کھیب ئنا علاقہ تیٹ اُراتیٹی چھاپہ خلکُنے، ہراٹی کیہی بندغ آتے دزگیر کننگ آن پد زوراکی ئٹ بیگواہ کرینے۔
زوراکی ئٹ بیگواہ کننگوک آ بندغ آتیٹ طفیل و زوہیب اوار ءُ، ہندُن کنٹانی نا علاقہ آن اِرا مزور ئے ہم دزگیر کننگانے۔
ہندی بندغ آک کالخواہ تیان خواست کرینو کہ دزگیر کننگوک آ کُل بندغ آتا بارو ئٹ حوال تِننگ مرے و اوفتے زوت آجو کننگ مرے۔
