پاکستانی لشکر ہفت بندغ ئے زوراکی ئٹ دزگیر کننگ آن پد بیگواہ کرینے۔
بلوچستان نا ضلع خضدار نا تحصیل گریشہ و اورناچ ئٹ اِرا دے ءِ کہ پاکستانی لشکر لشکر کشی کننگ ءِ ۔
گریشہ آن رسینگوک حوال تا رِد ئٹ لشکر کشی نا وخت آ پاکستانی لشکر ہفت بندغ ئے دزگیر کننگ آن پد بیگواہ کرینے۔
پاکستانی لشکر نا دُو آن دزگیر کننگوک بندغ آتا چائنداری عارف ولد گاجیان ، زاہد ، بشیر ولد ظاہر خان ، ضمیر ولد عبدالواحد ، سلیم ، ظہور و فتح نا پن تیئٹ مسُنے۔
پاکستانی لشکر دزگیر کننگوک بندغ تے مونا ہتنے، بلکن حوال رسینگانے کہ پین چندی بندغ آک زوراکی ئٹ بیگواہ کننگانو۔
