بلوچ لبریشن آرمی نا ترجمان جیئند بلوچ میڈیا ٹی شنگ کروک تینا بیان ئسیٹی پارینے کہ ننا سرمچارک جیونی و تربت ئٹی اِرا جتا کاروائی تیٹی کوزہ کروک لشکر نا سپلائی و کمیونیکیشن سسٹم ئے تراک کروک شورہ تخِسہ بُھس کریر۔
ترجمان پارے کہ درو بی ایل اے نا سرمچارک گوادر نا علاقہ جیونی ٹی دو بیست پنجاہ نا ہند آ کوزہ کروک لشکر کن راشن دروکو اسہ لاری ئسے ریموٹ کنٹرول آئی ای ڈی جلہو ئٹی ٹِک کریر، ہراڑان لاری ئے بھاز نسخان رسینگا۔
ترجمان نا پاننگ اسک کہ ہندا وخت آ بی ایل اے نا سرمچارک تربت نا علاقہ کلاتک ئٹی اسہ ٹاور ئسے تراک کروک شورہ تخِسہ بُھس کریر۔ دا ٹاور آ کوزہ کروک پاکستانی لشکر نا کنڈ آن سیاڈی گِری کِن کیمرہ خلنگاسس، ہرا علاقہ ئے ہُنِنگ کِن کارمرز مسُّرہ۔
