تربت یونیورسٹی نا اسٹوڈنٹ آک تینا مُسہ بیگواہو سنگت اسٹوڈنٹ نا زوراکی نا بیگواہی نا برخلاف ریلی کشار۔
بیگواہ کننگوک نور خان نزر، رحمت ہلکو و عمران تاج ئنا زوراکی نا بیگواہی نا برخلاف اسٹوڈنٹ آک یونیورسٹی ٹی مارچ کریر و تینا سنگت آتا آجوئی نا خواست کریر۔
برانزیک پاریر کہ نورخان نزر 6 دسمبر آن و رحمت ہلکو 5 اکتوبر و عمران تاج 21 جون 2025 آن بیگواہ ءِ و داسکان اوفتا بارو ئٹ ہچو معلومداری تننگ متنے۔
برانز ئٹ اوار اسٹوڈنٹ آتا پاننگ اسک کہ ننا اینو نا برانز ایسر مس ولے نن تینا سنگت آتا آجوئی اسکان جہد برجاء تخون۔
