وائس فار بلوچ مسنگ پرسنز (وی بی ایم پی) نا چیئرمین نصر اللہ بلوچ تینا شنگ کروک ویڈیو ئسیئٹ پارینے کہ ریاستی ادارہ آتا کنڈ آن زوراکی ئٹ بیگواہی زیات کننگانے، و داسہ بلوچ نیاڑی تے ہم زوراکی ئٹ بیگواہ کننگِک۔ نن ہندا پہہ مرینہ کہ زوراکی ئٹ بیگواہی بندغی حق آتا گندہ انگا لتّاڑ ءِ۔
او پارینے کہ 10 دسمبر بندغی حق آتا جہانی دے ئنا بابت ئٹ وی بی ایم پی نا کنڈ آن زوراکی ئٹ بیگواہی تا گواچی مروک بندغ آتے وے قانودی ئٹ کھسفنگ نا برخلاف شال پریس کلب نا مونا برانز کننگ مرو۔
نصر اللہ بلوچ پارینے کہ نن زندگی نا کھل بشخ آتیان تعلقداری تخوک بندغ آتیان خواست کینہ کہ او دا برانز ئٹ بشخ ہلیر۔
