پاکستانی فوج ئنا ترجمان آئی ایس پی آر نا رد ئٹ پاکستانی فوج قلات، بلوچستان ئٹی اسہ انٹیلیجنس بیسڈ آپریشن ئسیٹی دوانزدہ بندغ آتے خلکُنے۔
فوج ئنا رد ئٹ دا کاروائی 06 دسمبر 2025 ہموتم کننگا ہراتم حوال رسینگا کہ علاقہ ٹی دا بندغ آک ساڑی ءُ۔ فوج علاقہ ئے گھیرہ کرے ہراڑان جنگ بناء مس و دوانزدہ بندغ خلنگا۔
داسکان دا دعویٰ پک مننگ کتنے۔
فوج ئنا رد ئٹ جنگ جاگہ آن سلاہ، گولہ و تراک ئنا شورہ خننگانے۔ آئی ایس پی آر نا پاننگ ءِ کہ کاروائی آن پد علاقہ ٹی آپریشن برجاء ءِ۔
