بلوچستان نا ضلع کیچ ئنا بنجائی شار تربت آن ہنوکا دے تیٹ زوراکی ئٹ بیگواہ کننگوک، تربت یونیورسٹی نا لیکچرار بالاچ بالی آجو مسنے۔
اونا آجوئی نا حوال ئے اونا خاہوت پک کرینے۔
ایلو کنڈ آن بلوچستان نا بنجائی شار کوئٹہ آن پاکستانی فوج ضلع کیچ ئنا علاقہ ہیرونک نا جہی ورنا ئس بیگواہ کرینے ہرا نا چاہنداری شہزاد ولد منیر نا پن ئٹ مسنے۔
پن کروک ورنا ئے 5 دسمبر 2025 آ ننکان 2 بجہ غا سبزل روڈ، کوئٹہ آن زوراکی ئٹ بیگواہ کننگانے۔ پاننگک کہ او کوئٹہ ئٹ بلوچستان یونیورسٹی ٹی خواناکہ۔
look
