بلوچستان لبریشن فرنٹ نا سربراہ و بلوچ آجوئی خواہوک راہشون ڈاکٹر اللہ نذر چاگڑدی میڈیا ایکس آ تینا مُسہ چُنکو سلسلہ وار پوسٹ آ تیٹی پارے کہ ننا آجوئی نا جنگ اَسہ مُرغُنو جنگ ئسے ، دژمن کے ننا واضح پیغام ءِ کہ نن بےگناہ تہ دِتر تا بیرئے ہلون ولے ننا بیر بیرا آجوئی ءِ ۔
او پارے کہ نن جہانی اٹیبلشمنٹ ئے ہم پاننگ خوائنہ کہ بندغی حق آ پن آ اوفتا دوغلا کردار بین الاقوامی ادارہ آتا سلامتی کن بدنما اِنگا داغ ءِ ۔
ڈاکٹر اللہ نذر بلوچ نا پاننگ ءِ کہ پاکستام ہرا وڑ ئنا جنگی جرم آتے کرینے ہرادے جہانی طاقت آک منِر اوفتے شیف خلنگ مرے و ثبوت کن اجتماعی قبر ، خلنگ نا پالیسی ، سیاسی دباؤ تہ ناقابل تردید ثبوت آک اریر ، ہرافک منظم وڑ ئٹ برجاءءُ ۔
بلوچ راہشون پارے کہ زوراک آ لشکر تینا اعصاب آتے گوہانے ۔تاریخ ننے مُرغنو جنگ آ تا بابت ئٹ پائک ہرا مُدام سُہمبمند مریرہ ۔ ریاست نا مُختفی آ رد انقلابی لشکری کارندہ آتا حوصلہ چُٹانے ۔ نن تینا راج ئنا کُمک آن تینا آجوئی واپس ہلون ۔
