بلوچستان نا ضلع کیچ ئنا بنجائی شار تُربَت آن پاکستانی لشکر استو ننکان تربت یونیورسٹی نا لیکچرار بالاچ بالی ئے زوراکی ئٹ بیگواہ کرینے۔
وائس فار بلوچ مسنگ پرسنز زوراکی ئٹ بیگواہ کننگوک لیکچرار نا خاہوت تون حوال کرسہ پک کرے کہ سکیورٹی فورسز تُربَت یونیورسٹی نا لیکچرار بالاچ خان ولد ماسٹر اللہ بخش ئے استو تُربَت بازار آن اُراغا بننگ نا وخت آ زوراکی ئٹ بیگواہ کرینے۔
بالاچ بالی تربت یونیورسٹی نا کمپیوٹر آف سائنس نا لیکچرار ئسے ۔
خاہوت اونا زوراکی ئٹ بیگواہی نا برخلاف توار بُڑز کننگ نا خواست کرینے۔
