بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئٹی پارے کہ سرمچارک 30 نومبر نا سوب ئنا ہفت بجہ نا خُڑک بولان نا علاقہ بی بی نانی ٹی نیم فوجی دستہ فرنٹیئر کور نا کاروان ٹی اوار مُسہ لاری تے خُڑک آن جلہو ئٹی نشانہ کریر۔ ہراٹی پنچ فوجی کارندہ ہمو جاگہ غا خلنگار و کیہیک ٹپی مسُر۔ جلہو آن پد فوج بھلا کسر ئے ہن و بر کن بند کرے۔
ترجمان پارے کہ سرمچارک 29 نومبر شام ئنا ہفت بجہ نا وخت کوہلو نا علاقہ نوشام ئٹی اسہ فوجی چیک پوسٹ ئسے خُڑک آن نشانہ کریر۔ جلہو ئٹی سرمچارک آر پی جی نا کیہی گولہ خلکُر ہرا کیمپ ئٹی تہٹی تمار۔ کیمپ ئنا رکھوک آ اِرا کارندہ گولہ نا لگگ آن خلنگار۔
ترجمان میجر گہرام مُستی پارے کہ سرمچارک 30 نومبر شام ئنا پنچ بجہ غا مند سورو ٹی برجاء انگا کوزہ گیر پاکستانی فوج ئنا بھلا کیمپ ئے جتا نیمہ غاتیان نشانہ کریر۔ جلہو ئٹی سرمچارک گرنیڈ لانچر تیتون اوار بھلا سلاہ تے کارمرز کریر ہراٹی کوزہ گیر فوج ئے جانی و مالی نسخان ہرفوئی تمانے۔
ترجمان مُستی پارے کہ سرمچارک 29 نومبر نا شام ئنا پنچ بجہ نا وخت پنجگور نا علاقہ سوراپ نا ہند آ چائنا پاکستان کسر( سی پیک) آ چار گھنٹہ اسکان ناکہ بندی کرسا اسنیپ چیکنگ کریر،ناکہ بندی نا وخت سرمچارک پنجاب کن گیس دروکا چار لاری تے نشانہ کرسا نسخان تسُر۔
ترجمان مُستی پارے کہ سرمچارک پین اسہ کاروائی سیٹی 29 نومبر نا شام ئنا ہفت بجہ نا وخت خاران شہر ئنا حساس علاقہ” ریڈ زون” ئٹ برجاء انگا ملٹری انٹیلیجنس نا دفتر آ دستی بمب ئٹ جلہو کریر۔بم دفتر نا تہٹی تسمہ بلو تراخ ئسیٹ ترخا۔
بلوچستان لبریشن فرنٹ نا سرمچارک پین اسِہ کاروائی ئسیٹی 28 نومبر نا نن 9:30 آ کیچ دشت نا علاقہ بل نگور ٹی ساڑی آ کوزہ گیر پاکستانی لشکر نا کیمپ آ راکٹ لانچر نا کیہی گولہ خلکُر، را کیمپ نا تہٹی تمسہ دشمن ئے جانی و مالی نُسخان تِسُر۔
کوزہ گیر پاکستانی لشکر 28 نومبر آ کچھی نا علاقہ ڈھاڈر ٹی سرمچار آتا برخلاف بُرزی و زمینی آپریشن نا بنا کرے ہرا بیست ءُ چھار گھنٹہ اسکان برجاہ سلیس۔ دا کاروائی نا وخت دشمن نا فضائی لشکر نن نا یک بجہ غا سرمچار تا برخلاف ڈرون جلہو ئٹ مُسِہ میزائل خلک، واہم سرمچارک دا جلہو تیاں سرسوبی ئٹ پیشتمنگ ئٹ سر سوب مسُر۔ ایلو سُوب ئنا شش بجہ نا خُڑک سرمچارک دشمن لشکر توں مون پہ مون مسُر، پاکستانی لشکر سرمچار تا نیام ئٹ تُرند جھڑپ مس، دشمن تون دا جھڑپ ٹی سرمچار قدیر احمد عرف دلجان ولد عبدالمالک شہید مس۔
شہید سرمچار قدیر عرف دلجان ولد عبدالمالک بنگلزئی، مستونگ اسپلنجی نا جہی اِرا تو مہالو بلوچ راجی آجوئی جہد نا خاطر بلوچستان لبریشن فرنٹ ٹی اوار مس، دا چُنکا وخت ٹی تینے اسِہ محنتی و دلیر ءُ سرمچار ئسینا دروشم ئٹ منّیفے۔
بلوچستان لبریشن فرنٹ دا جلہو تیٹی جتا غا کاروائی تیٹی دشمن نا ہفت کارندہ غاتے خلنگ و کیہی تے ٹپی کننگ نا ذمہ واری ئے ہرفِک۔ شہید سرمچار قدیر عرف احمد دلجان ولد عبدالمالک ئے اونا عظیم آ قربانی تیا دروت ندر کرسہ ہندا عزم ئے کیک کہ بلوچستان نا آزاتی اسکان کوزہ گیر لشکر آتا برخلاف کاروائی تے برجا تِخو۔
